男人大部分都係貪新鮮，除咗睇完一隻鹹碟之後又急急換第二隻嚟欣賞之外，亦渴望嘗試同新相識嘅女仔發生一夜情。不過，有家室嘅男士咁玩法固然危險，但係其他男士都唔應該經常換床伴喎。早前，美國匹茲堡大學進行過一次有趣嘅研究，發現男人如果同一個新相識嘅女仔發生關係之後同眠，心情就會顯得相當緊張，繼而令體內皮質醇水平上升，容易引發心血管疾病。相反，同一個長期床伴入睡，就可以令體內嘅催產素水平提高，有助提升免疫能力，仲可以減輕炎症病徵添。
撰文：祖