大丸明：#o#：話咁快又到暑假，唔少16歲以上嘅學生妹，都想出嚟社會做暑期工，吸收工作經驗，但大家搵工時，真係要帶眼識人，事關社會上有好多騙子，都會喺呢個時候專向呢啲初出茅廬嘅學生妹埋手，囡囡唔小心上當，被騙時間同金錢都事小，千祈咪連隻豬仔都畀人呃埋，咁就大件事，真係要提高警覺。
先師強：@o@：特別係一啲發明星夢嘅少女，就真係要特別小心，過往有好多個案，騙子都係向呢班囡囡埋手，例如有所謂星探喺街上主動搭訕，然後話囡囡好上鏡，好適合拍廣告，甚至拍電影，令囡囡心花怒放，跟手就要求上公司面試，囡囡不防有詐，跟埋上去，一上去就落閘放狗，囡囡小則破財，嚴重嘅可能貞操不保呀！
崇光輝：&▼&：唔好話做明星，家陣就連一啲寫字樓工都危機重重，好似有單就係囡囡應徵見習文員，經理話佢好有潛質，兩三日後就升咗佢做客戶主任，負責游說客人做啲風險性投資，囡囡唔知頭唔知路，咪介紹晒啲朋友親戚嚟幫襯，最後令佢哋損失慘重，血本無歸，當囡囡想辭工時，仲畀人禁錮埋添。
永鞍康：€o€：咪講啲學生妹個個都又傻又笨，其實當中有好多「精過鬼」，好似每年暑假，例必有啲學生喺度搵食，咪以為佢哋好欺負，佢哋呃你錢就好地地，你想抽吓佢哋水，就會喊打喊殺，好似我有次喺夜場帶個囡囡出街，本來仲好地地，點知一入公寓，佢就叫救命，跟手三個後生仔衝入嚟屈我搞佢女友，仲屈咗我幾千蚊呀陰功。