有刺玫瑰：€-€ 經常喺新聞度睇到，有啲鹹濕佬走去偷底褲，當場斷正之餘仲要搞到一身蟻。其實人哋嘅底褲究竟有幾吸引，足以引到啲人就算犯法都要偷呢？最重要係穿嘅人係邊個都唔知，若然係件豬扒嘅話，諗起都冇晒胃口，都唔知有乜嘢吸引力！
小小花：^v^ 我好認同樓主嘅講法，其實我都唔知人哋嘅底褲有乜魅力，足以讓佢哋以身試法。其實如果真係有鋪底褲癮，又想搵人家着過嘅底褲又有乜難度呢？日本有唔少原味底褲嘅網站，專門賣啲人哋着過嘅底褲畀有興趣嘅人，使乜搞到偷喎！
香水迷：€※€ 我都聽過日本有啲咁嘅網站，佢哋唔單止有底褲賣，仲有着過嘅絲襪同胸圍，並且擺埋着過嘅嗰個女仔張相喺度，等啲麻甩佬睇到心郁郁。之但係啲底衫褲，究竟係咪真係嗰個人着過嘅，呢層就真係冇人知喇！萬一係個麻甩佬着過嘅話，咁就真係……
湖邊精靈：@o@ 話又講番轉頭，其實呢啲偷胸圍同底褲嘅人真係好討厭！我以前個舊鄰居佢就因為經常畀人偷底褲，搞到佢以後都唔敢晾啲底褲出嚟。事關聽佢講佢啲底褲好貴，一條都幾舊水，甚至過千嘅都有，無情情畀人偷，仲要偷咗幾條，真係幾傷o架！