家陣嘅自娛按摩棒用電力驅動內置嘅摩打，從而讓女士體驗到無比嘅快感。不過喺冇電池嘅年代，究竟按摩棒係用乜嘢嚟推動，等佢震起嚟嘅呢？冇錯！係用人力！呢支現存喺英國倫敦科學博物館，名為「Macaura's Pulsocon」嘅手攪式自娛按摩棒，相傳早喺1890年出現，並且係世上首支機械式按摩棒。喺使用時一隻手揸住佢個棒尾，另一隻手則喺度攪動，按摩棒就會前前後後咁郁。不過咪以為呢支棒嘅出現，係為咗滿足女士嘅生理需要喎！原來呢支棒當年嘅作用，係用嚟解決女性血液循環嘅問題，從而紓緩佢哋貧血、抽筋、心臟不適嘅問題，真係估佢唔到呀！