宅男好多時都會發生網上情緣，事關佢哋日日喺屋企上網，傾得兩傾之下，隨時會產生感情。不過呢啲都係紙上談兵，唔係實際溝女經驗，更加唔係性經驗，所以如果同囡囡傾得性起之際，囡囡話有興趣上你屋企一聚，宅男就即刻心驚膽跳，因為驚隨時會喺床上出洋相。所以家中一定要常備呢本《Hot Sex：Over 200 Things You Can Try Tonight！》，事關佢非常好使好用，書內有200種即晚可以嘗試嘅熱烈性愛方式。試問一晚點會用得晒？所以囡囡隨時話上嚟屋企短聚都冇有怕，要同佢試晒200種方式，大家都可能變成老夫老妻，所以呢本書抵用之處，就係夠用一年，如果成日換對手的話，用幾年都得添！不過宅男最緊要係學得其所，千祈唔好學一半唔學一半，到時得半桶水，囡囡畀你搞到唔湯唔水就唔好喇。