男人有好多理想，包括飛黃騰達、家財千萬、唔做伙記做老闆、同日本AV女優共度春宵等等，亦有簡簡單單嘅，例如躺於一個妙齡女子嘅大腿上面，由對方幫自己細心又溫柔嘅採耳，享受箇中溫馨。大家覺得呢個理想難以實現？唔係喎，日本最近就有好多男人享受過，而且仲係免費添。早前，日本東京大學嘅花園入面，就有一個理科女生忽發奇想，突然表示會幫男士們採耳，而且仲提供埋自己嘅玉腿畀對方任意安躺，最難得仲係費用全免，不過只係限於5月8日當日而已。至於點解阿妹要咁做，佢就完全冇透露過，但係事件就成功惹起傳媒注意，可能阿妹係為咗未來開設採耳專門店而鋪路喎。