兆紫窿：最近有大學學生會同避孕套公司，聯合搞咗個性愛調查，發現有近39%學生喜歡「打真軍」，即係唔用避孕套嚟性交，當中一成半話唔用套嚟性交感覺好正，乜啲大學生咁大膽嘅，就算唔怕愛滋，唔通唔怕啲女同學大肚，定係佢哋讀書時，學識咗啲乜嘢古怪招式，可以避孕兼預防性病呢？真係要請教吓佢哋至得囉。
關暈牆：計我話佢哋唔係大膽，只係無知啫，今時今日仲有人唔用套嚟性交，簡直連個死字都唔識寫，隨着時代進步，男女性生活都好開放，咪以為大學生就唔濫交，一定會好乾淨至得o架，隨時一身病毒，殺人於無形呀，退一萬步，唔好話生愛滋，惹花柳咁大鑊，萬一唔好彩懷咗孕，佢哋都係死路一條，你話唔用袋袋何苦呢？
曹慢德：近年啲後生哥真係虧咗好多，啲精子一啲朝氣都冇，大家唔見好多影視界新進影星，婚後一直不設防做人，但係老婆個肚就硬係都冇聲氣，連啲記者都替佢哋擔心，各出奇謀獻計獻藥，呢啲嘢好多時都唔係女方嘅問題，而係男方嘅精子出事，所以佢哋唔用套都冇問題，但身體咁虧，睇睇醫生好喎！
酸小香：大學生兩情相悅發生性行為，係好正常嘅事，但唔用套咁大膽，唔怕懷孕咩？估計真係啲男仔虧虧哋，好似以前我識個男仔，佢虧到唔可以戴套，因為佢完全勃起後嘅Size，比正常標準細兩三個碼，勉強戴上，但當一進行性行為時，兩三吓動作就會完全脫落，所以冇避孕套啱佢哋用。