日本嘅AV女優每拍攝完一套新作，就要負責埋宣傳嘅工作，最常見嘅就係以簽名會形式與影迷聚會，影迷可以近距離接觸偶像，仲可以同佢哋握手或者得到神秘禮物，而喺芸芸眾多神秘禮物中，佢哋最喜歡攞到啲乜嘢呢？
影迷其實好簡單，佢哋山長水遠嚟出席偶像活動，無非就係想攞到最大嘅好處，而喺咁多神秘禮物中，香吻絕對係最佳嘅禮物，而且被偶像吻完之後，就算唔係嘴貼嘴，但嗰份滿足感已經超越一切，加上可以喺老友或者網上自吹自擂，令唔少影迷既羨慕又妒忌，相信講成世都唔會厭，所以絕對係神秘禮物中最恨攞得到嘅一種。
影迷話同偶像握手、擁抱，甚至獲得一吻都好，但都係過眼雲煙，一啲揸拿都冇，所以有一批人就喜歡攞到偶像身上嘅物品嚟留念，而喺偶像嘅隨身物品當中，冇嘢比內衣更具吸引力，事關偶像着過嘅內衣，自然有身上嘅氣味，佢哋日後一邊睇住偶像嘅新片，一邊聞住陣味，絕對係人生一大享受，諗起都興奮呀！
有部分追星影迷，就比較實際，事關就算天王巨星都好，都有自己唔喜歡嘅一日，香吻只能追憶，內衣了無價值，但如果攞到偶像嘅簽名物品，就可以出售轉賣，隨時仲可以發筆小橫財添，所以有唔少影迷都會索取偶像嘅簽名物品，例如簽喺光碟盒面或者代言產品上，即時聲價百倍，轉頭上網出售就可以賺錢，真有商業頭腦。
撰文：祖