老友報料話佢去順德公幹，陪個客玩到半夜三點幾至返酒店，由於夜總會囡囡開價七百蚊短聚，即時慾火全消，當返到酒店，見樓下有間休閒中心，於是打電話落去叫佢哋安排囡囡上嚟，十分鐘後有三個囡囡上嚟，但職員就有四五人陪同，點解？
老友覺得好奇怪，打電話嚟問我點解？我問佢係咪揀啱囡囡就畀錢，佢話係，以我經驗所知，好明顯係班職員齊齊食公司夾棍，事關三四點去到桑拿場，好多場都會截晒數，呢個時候做嘅生意，好多時係一班主任媽咪自己分嘅，特別係上房服務，更係冇數計，囡囡同媽咪由後樓梯上樓，囡囡入閘，所收到嘅錢可以完全唔入帳，就由當值嘅幾個主任媽咪對分，當然囡囡嘅肉金就唔少得，就以五百肉金嚟計，囡囡平時只收到一半樓下肉金，即係有大半係公司袋，家陣就由主任們分晒。
為免拗數，所以班主任媽咪總動員上晒嚟喺門口，客人一畀錢，佢哋就分錢，咪睇小只得幾十蚊，一晚有十個八個呢啲午夜來客，一個月計落去，隨時多過正職嘅收入。此外，咪以為囡囡嘅肉金可以收得晒，事關桑拿場裏面，有好多規矩，囡囡經常會被罰款，而冇錢罰嘅就最好返夜班，做呢啲午夜來客嘅生意。由於一半肉金由主任同媽咪袋晒，所以佢哋幾大都跟埋上嚟，免得有人過完公司一戙，過埋自己一戙。
地點：順德
金句：午夜遇骨客，肉金事前發，主任落晒袋，公司口擘擘。
撰文：賢