做女明星其實比男明星更為着數，如果佢哋有幾分姿色，又有少少身材，露一露事業線，要博見報真係話咁易，男明星就冇呢種福利喇。再者，一旦發覺自己人氣大不如前，女星又可以嚟個大解放，脫佢一脫，就算露一點都好，亦可以將人氣谷上新高。曾經紅極一時嘅青春偶像後藤理沙就明白呢個現實，所以瞓身一脫。今年28歲嘅理沙於1998年拍攝知名電解質飲品廣告而走紅，其活力十足又俏麗嘅面孔深得民眾支持。不過，發展到2002年，其人氣嚴重下滑，故此宣告引退。到2005年又復出，而人氣依然未能谷起。後來，再畀人發現佢同一個圈外男人同居，人氣再受打擊。然而，理沙好似對自己如斯命運唔多服氣，於是最近就拍下最新寫真集《LISA GOTO at NUDE》，作出演藝生涯第一次露點演出，希望理沙可以成功贏得人氣啦！