性在有排數：火辣籃球 啦啦隊員

第一位：Rachel Letts（鳳凰城太陽）

早喺09年已經加入鳳凰城太陽啦啦隊嘅Rachel，身材確實火辣，一對車頭燈加埋低胸嘅啦啦隊隊衣，露出一條深深嘅乳溝，實在相當養眼！不過阿妹除咗樣靚身材正外，更係相當好舞功，一字馬對佢嚟講只不過係碎料，而佢更最愛喺表演時，嚟個直立高抬腿，一對修長美腿直指天花板，功架十足之餘，仲引嚟唔少男士起哄，有人更視佢做鳳凰城之花，難怪Rachel話就算有其他球隊勾佢過檔，佢都唔會考慮啦！

第二位：Ashley Bond（芝加哥公牛）

今年26歲嘅Ashley身材火辣又夠索，而成為球隊啦啦隊嘅生招牌。原來佢除咗係位人氣啦啦隊外，更曾經參加過選美比賽，並喺09年得到伊利諾州小姐冠軍嘅榮譽，此外佢更係一位著名嘅模特兒同演員，單係呢啲名銜，就知道Ashley嘅艷光有幾咁四射！既然Ashley人氣咁高又夠索，點解唔專注喺演藝事業嘅發展呢？原來Ashley係個正宗籃球躉，更係公牛死忠粉絲，為咗可以近距離觀賽，佢話點都唔會放棄啦啦隊嘅工作喎！

第三位：Paula Tabares（達拉斯小牛）

作為上屆NBA總冠軍球隊中嘅啦啦隊成員，Paula人氣相當高，雖然去年因為練習而受傷，搞到佢要抖咗幾個月，但憑住佢熱情兼活力十足嘅表現，成功喺一眾女隊員中突圍而出，不但被小牛粉絲視佢做啦啦隊女王，每次出場都會引嚟大家嘅喝彩聲。由於Paula咁多Fans撐，因此吸引唔少廣告商嘅注意，更有著名時裝雜誌搵佢影寫真，吸金能力高強，難怪Paula話今年會落力為小牛打氣，等佢可蟬聯冠軍啦！

第廿五位：Sierra Andersen（紐約人）

林「瘋」熱唔單止打起咗球隊，自己人氣仲直線上升，原來呢個熱潮仲帶起咗啦啦隊一班索爆隊員，當中最受注目嘅就要數Sierra。呢位今年22歲嘅金髮索女，個樣確實冇得彈，身材均稱之餘，對腳仲相當修長，假以時日一定可以成為啦啦隊天后。

撰文：魂