日本同台灣人都比較喜歡棒球運動，佢哋唔只睇，假日仲喜歡同小朋友去郊外玩吓，但中國內地就好似少啲人喜歡。但凡事都有例外，好似日本代表丸高愛實佢自細就喜歡棒球，而內地代表柳思貝就話係啱啱愛上喎！
丸高愛實09年出道，由電視節目助理開始，做吓小角色，慢慢至畀人接受，家陣除咗係人氣水着女優之外，仲打算做埋歌手添，相信愛實前途定會無可限量。愛實話自己從小就好喜歡打棒球，可能小時候有少少男仔頭嘅性格，所以放學後一有時間，就跟鄰居男生去空地打棒球，當時乜都唔識，冇份做投手，亦冇份做擊球手，只要有人打中球時，佢就向前衝去執波，佢話諗番起那些年都十分開心，家陣除咗睇日本嘅職棒賽事之外，仲會留意埋台灣同美國嘅賽事，真係標準球迷。
柳思貝又名柳煒瑋，除咗係人氣模特兒外，仲係一位新進演員，雖然暫時演嘅都係啲小角色，但佢仍然十分落力去演，所以演技深受工作人員嘅認同，嚟緊嘅日子據講有劇組會搵佢拍劇，相信佢星途定會一片光明。而講番佢對棒球嘅認識，原來佢小時候從未玩過，係近年睇咗套有關棒球嘅日劇先至迷上，佢仲話日本啲棒球明星唔少都好靚仔，所以更加着迷，只要有時間就會收睇賽事，但唔講唔知，思貝有好多棒球規矩都唔識，但仍然睇得津津有味，真係服咗佢。
年齡：21歲
三圍：33-24-34
身高：164cm
職業：水着女星
年齡：24歲
三圍：33-24-34
身高：165cm
職業：平面模特兒
撰文：小德