有人覺得十八禁電玩，嚟嚟去去都係得戀愛題材，真係冇乜新意！如果閣下係咁諗嘅話，咁今次為大家帶嚟嘅呢隻《花散落的都市和辰的巫女》，就一定可以滿足到你嘅要求。作為《花開少女和戀愛的魔導書》嘅續篇，繼承上作唔係單純鹹濕遊戲咁簡單，仲糅合咗冒險、戰鬥同解謎嘅元素，配合埋超華麗嘅戰鬥場面，絕對畀到十八禁電玩迷新意。
話明係巫女，今次嘅女主角當然以巫女扮相登場。故事發生喺一個櫻花四落嘅都市，並住有巫女三姊妹。表面上嚟睇，呢三位索爆姊妹花都與普通女生差唔多，但原來佢哋身負秘密任務，就係守護呢個都市嘅封印。如果封印被打開，就會有恐怖嘅事發生。男主角除咗要諗辦法解開呢個封印之謎外，仲要小心封印力量愈嚟愈弱，鹹濕妖怪愈嚟愈多。唔想三姊妹變為淫魔嘅洩慾對象，大家就要盡量諗辦法喇！
開發商：Debonosu Works
售 價：約HK$441
發售日期：2012年4月27日
撰文：魂