渡海濠情：為愛僭建心甘情願
嚟自富城會嘅靚女珊珊，佢嘅身材唔算突出，所以好多朋友都叫佢去僭建一下，將個騎樓有咁大整咁大，珊珊一直不為所動，但最近識咗個男朋友，佢就話好值得為深愛嘅人去冒險僭建。
在所不惜
珊珊話：「前高官太太解釋佢僭建地庫，係為咗畀老公可以有個安樂窩，所以就去犯險，好多人都話佢吹水唔抹嘴，其實只有女人至會明白，當你好愛一個人嘅時候，真係會去為佢做傻事。好似我咁，以前好多朋友都叫我去僭建，但我一直都冇打算咁做，但當你識到一個好愛你嘅男仔嘅時候，發現佢同你親熱，全身上下都摸勻，就係冇搞過你嘅胸部，就知道自己嘅胸部一定有問題，於是激起我要為佢僭建嘅意念，為咗深愛嘅人，唔好話觸犯法律，就算要犧牲性命我都會在所不惜。」
先斬後奏
珊珊嘅胸部最多都係34吋，但好在佢樣子夠甜美，吸引力一啲都唔輸蝕，問佢男朋友知唔知佢準備僭建？珊珊話：「我唔會事前話畀佢聽，因為我想畀個驚喜佢，同佢商量咗，反而要將個責任同對方分擔，我覺得冇咁嘅需要囉！」睇嚟珊珊可能會先斬後奏！再問珊珊萬一僭建完，已經同男朋友分手呢？珊珊話：「咁都冇辦法，自己盡咗力，到頭來對方無福消受，只有怪佢唔好彩囉！」珊珊咁嘅女朋友，真係值得追。
珊珊Profile
年齡：20歲
三圍：34-23-34
興趣：討好男友
撰文：小德 攝影：阿生