慾蒲團:博覽夠旺場潮性好舒暢

雖然話食色性也,但係對於一類以推銷最新美食為名,實質係促銷貨品嘅飲飲食食博覽會,小弟就絕對唔想跟埋班師奶去逼,而最想參加嘅都係坐擁眾多歐美四仔女星嘅情色博覽,剛剛順利完成嘅SwingFest亦係其中之一嘞。

最新性潮流

小弟曾經介紹過唔少外國嘅情色博覽,入面嘅歐美女星個個都瞓身演出,真係令場館內波濤洶湧,春色無邊。不過,呢類情色博覽話就話主要推廣最新嘅情趣產品同鹹片,但係大家只要入場參觀過,就知道新產品少之又少,檔位多以促銷舊貨為主。不過,剛剛於2月9至11日於美國Telluride舉行嘅SwingFest就唔同,因為佢主打推廣最新性潮流。發言人Greg Freeman表示,SwingFest舉辦嘅目的係吸引世界各階層人士聚首一堂,好等大會安排嘅嘉賓,向大家發表最新嘅情色資訊,於性知識方面可以走在潮流嘅尖端。另一方面,大會亦會搵來頂級派對搞手,將最新嘅主題融入派對當中,令人玩得潮,蒲得潮。

最潮性講座

話得自己有料教參加者最新嘅性知識,當然有充足準備啦。大會早就安排大班教授同專家,傳授有關學術性以及性學術嘅資訊,例如請到SM專家,教授正確又安全,仲極具刺激嘅繩綁技術、皮鞭鞭打技巧等等。當然,專家本身都知情識趣,所以示範嘅時候,會請來專業又後生嘅美女獻身表演,雖然唔會露點,但係少布嘅美女被綁到緊一緊,肉感依然可以令人生機勃勃。如果想靜靜地學習,亦可以參加性學教授嘅講座,話題都以探討最新性愛觀念,或者人體奧妙為主,聽完真係獲益良多。

最火辣表演

SwingFest每次都吸引到過萬人參加,為咗滿足賓客嘅視覺享受,館內會不停上演精彩節目,例如由性感美女扮演空中飛人,不斷於半空中倒奶飛蕩;由最潮嘅地下組合以及專業舞孃表演火辣鋼管舞,展示最新嘅舞姿招式,或者即場示範各種性愛招式,即使唔係明刀明槍,但係舞孃放蕩嘅表演亦同樣引得觀眾個個都火起三千丈。另外,舞孃亦會不時拉台下觀眾上台,一齊大跳辣身舞,唔怕醜又想食豆腐嘅朋友就最啱喇。除咗舞台,各個檔位都有其特色表演,好似今年咁,就有女優即場示範如何同網友作裸體聊天喇。

撰文:賢