後生一輩依家都唔鍾意去夜總會，反而私竇派對最啱佢哋玩。又原來內地廣州有種囡囡專做派對搞手，過年過節就有大小活動，吸引中港蒲友入場，同時安排大量夜場女參加，搞手從中抽佣。有搞手表示，以往蒲友自己落D場搵食，可惜永遠係僧多女少，但佢搞嘅就唔同，事關佢哋包起個場開P，事前定好晒男女人數，夠六十個客即成，每位男士收三百元，入場後通常係兩件女對一個客，保證人人有女溝，至於係咪得手就要睇閣下功力喇！「其實我乜都唔使做，事關內地玩家都大把錢，加上班港客，一定夠數，每位收三百，六十人就萬八，扣除租場酒水雜費一萬多，都有近八千落袋，一個月搞四場都袋三萬啦！」