今日糜博：男士專區

男人一上咗年紀，房事上面總會感到力不從心。而唔少男士面對呢個情況，都會自行購買保健食品，以作改善。之但係，唔少百貨或大型藥房都唔會將呢類食品分類，所以男士們選購嘅時候，好容易就會巧遇其他女顧客，造成不少尷尬，如果商戶想令男士選購嘅時候更加放心同放膽，大可以效法美國部分超市嘅做法。由於男士去超市選購保健食品嘅數量增加，為咗吸納呢個龐大市場，有超市就特別劃分出男士專用貨架，而貨架上面仲有部電視仔介紹保健產品以及使用方法等等，一來方便男人唔使再怕尷尬，二來又有用法介紹，實在方便又稱心，本地超市不妨效法喇。