小弟見近期咁多人用智能手機，而自己則繼續用住一部N年前嘅摺機，因而深深不忿，所以就去到一間電訊商嘅門市部，諗住出部智能手機。點知，女服務主任說話冷冷淡淡，一副睇唔過眼就咪幫襯咁款，搞到我即刻掉頭就走，遠少少都走去第二間舖出機，激得我吖！不過，若然去到俄國呢間手機店，我就一定走唔甩喇。最近俄國出現咗一間特色手機專門店，最大特色唔係佢只賣乜Phone，而係有兩位美女長駐，二女仲要身穿性感嘅露腰裝同迷你裙，最重要係熱情好客，如果香港都有一間就好喇。