家陣嘅手機多功能集於一身，可以播歌、播片、影相、拍片、上網等等，其實對於嫩模嘅要求亦差不多，唔係單靠個樣同身材就可以大紅大紫，好似王子子咁，做模特兒出色，主持節目同拍戲又得，咪成功上位囉。身高5呎7吋嘅王子子，三圍34-24-34，身材一流，而樣貌又高貴又明艷照人，所以喺2006年嘅時候，參加全國人物風尚模特兒大賽勇奪冠軍以及全能才藝獎。得到冠軍榮銜之後，王子子嘅嫩模事業一帆風順，不過阿妹佢又不甘於單線發展，一於勇闖藝能界做主持，訪談節目《北京客》以及綜藝節目《何樂不為》都係由阿妹做主持。另外，電影、電視劇同舞台劇演出，阿妹亦有參與，真係多才多藝，絕對唔係一個花瓶咁簡單。