日本人視聖誕為大日子，唔少風俗店都會放假唔做生意，畀啲囡囡休息一下，等同我哋過農曆新年一樣。放假唔使返工嘅囡囡，佢哋會去乜嘢地方歡度佳節呢？有成人雜誌就做咗個調查，睇吓佢哋有乜嘢搞作？
佔兩成嘅囡囡話會返鄉下探吓親人喎！囡囡雖然喺東京打工，但冇乜幾多個係東京人，佢哋都係嚟自其他地方，年中都唔會返鄉下一次，難得有幾日假，當然有唔少人會返鄉下探親，一解思鄉之苦，但由於每次返鄉下都要花錢花時間，所以有部分囡囡都不作此打算，而調查中有兩成多囡囡會選擇去旅行，有錢嘅會去香港或澳門玩幾日，冇錢嘅可能會去吓橫濱或者大阪，食吓嘢或者浸吓溫泉，而佢哋好多時都唔會一個人去，唔係搵男朋友就係搵個熟客相陪，連旅費都慳埋添！
至於有近三成嘅囡囡，佢哋會選擇留喺屋企，如果悶嘅就會出外「濕平」，日本喺年尾嘅時候，有唔少商店都會大減價，所以絕對係大出血入平貨嘅好日子，囡囡辛苦工作成年，亦好應回報自己，買啲靚衫慰勞一下，至於最多嘅有近三成半囡囡，決定喺假日繼續搵錢，就算風俗店休息，都可以約啲熟客出嚟開房「私聚」，而客人方面亦樂於赴約，有囡囡話客人中唔少都有太太或者女友，但出嚟私聚一兩個鐘，佢哋會覺得既刺激又好玩，所以打賞都特別多呀！
撰文：小德