大家有冇留意，家陣好多年輕嘅囡囡，個個個鼻都好靚，又直又挺，老友凡哥話呢啲囡囡，中年運特別好，可能會嫁到好老公，但唯一美中不足嘅地方，就係脾氣特別臭，至於點解？凡哥就冇再講清楚，於是為咗求證，就開始留意一啲鼻樑好直嘅囡囡，發現十個有八個嘅性格都好硬朗，處事自把自為，唔喜歡聽人講，好多夜場嘅主任同經理都怕咗佢哋。有骨場老總成哥更舉例說明，好似啲囡囡講咗幾點鐘收工，佢哋就會準時收工，就算有客人排晒隊都好，囡囡話走人就走人，如果冇辦法真係要佢哋留低幫手，佢哋好識得趁火打劫，要求你畀好多着數佢哋嚟交換，成哥話佢哋咁識得把握機會，相信只要搵幾年錢就可以埋街食井水，到時開間舖仔做老闆娘，之後識件小老闆或者中層管理人員做老公，咁就可以火燒旗杆——「長歎」。