有好多朋友去到骨場，都唔會第一時間揀女，佢哋巡咗一輪花街之後，情願坐喺休息室，食吓多士，飲吓凍檸茶，之後再睇一輪電視，又試再巡花街一下，如是者巡三四輪後至肯揀女上房，骨場當然唔歡迎玩家咁做，於是有骨場推出即上大抽獎活動，以推動玩家抉擇。
客人嚟到第一時間即揀囡囡上房，骨場就會畀客人一個抽獎機會，而且話明每次抽獎都有獎品，唔會出現「多謝光臨」、「下次加油」等嘅字樣，據講頭獎係囡囡肉金全免，但只限B牌囡囡，如果揀中A牌或更高級就只需補番個差價就可以，以最低嘅三四百蚊嚟計，補多三四百蚊，換個明星級囡囡都可以，所以絕對吸引，至於二獎係肉金半價，三獎就係大廳師傅工即係採耳、按腳等免費服務，四獎就係飲食優惠券，第五獎都有五十元優惠券，即係最少都可以平到五十蚊，由於獎品實惠，自然吸引客人嚟到即上。
骨場點解要搞咁多嘢，希望客人快啲上房呢！原來呢啲磨爛蓆嘅客人，佢哋遲遲唔揀囡囡，就係想享受多啲服務，只因有客人喺大廳，囡囡就要喺花街等候，佢哋坐又唔係，行又唔係，連去厠所都唔敢，除咗令到囡囡壓力大增，大廳亦要花人手嚟招呼佢哋，飲飲食食唔在講，要搵幾個人招呼佢哋至麻煩，所以老總寧願畀啲着數佢哋，一嚟就上房，上完房就走人，一來可以貨如輪轉，二來可以減少人手，一來一回，計埋獎品都仲有賺，何況肉金全免或半價，只得一兩個名額，想抽中都幾難。
撰文：賢