鋼炮仁好多老友都係定力不足之人，北上玩樂成日纏上小妖精，畀人迷到老竇姓乜都唔知。好似有老友阿成，上個月先至處男下海，畀啲損友拉咗上去玩，結果一去無回頭，依家定期一星期去兩日，已經玩到不亦樂乎，最慘係畀隻小妖精迷住。甘願同香港拍拖五年嘅女友分手，仲要攞晒成副身家上去，準備喺上面置番頭家，其實佢嘅故事可能每日都會發生，因為愈來愈多香港男人上去內地住，但係返工又落返香港。馳力王就真係無咁好氣，一上一落，來回三粒鐘，費時失事，日日咁樣頻頻撲撲，真係人都癲喇！到時一定會無晒精力，同依家放工上去玩嘅心態差好遠。所以馳力王從來都唔贊成上面有頭家，再加上阿成隻小妖精，絕對係男人都電，呢類女人娶番屋企一定家無寧日。所以男人出嚟玩，一定要有道行先得，因為好多時都會遇到小妖精，如果道行唔夠，三兩下手勢就畀妖精迷暈咗，咁就死得人多喇！馳力王自問縱橫夜場多年，上床就最鍾意妖精，但係落床就立即降魔伏妖，咁先至可以明哲保身。