約十年前左右，韓國嘅電影同電視劇開始冒起，自此之後，大家除咗可以欣賞到更多來自韓國嘅娛樂，亦見到唔少韓星出現於本地同內地。除此之外，韓國嘅衣着文化亦乘住呢股韓流吹襲亞洲，就以內地嫩模為例，韓系派別漸漸能夠同日系派別並駕齊驅，而朱媛媛正係韓系嫩模其中一位代表人物。來自四川成都嘅朱媛媛皮白肉嫩，而膚色白之餘又有肉色，並非一片慘白，如此膚色就同韓國好多知名女星同樣吸引。膚色類近之外，媛媛嘅打扮亦非常韓國化，給予大家清新、漂亮，性感而又健康嘅舒適感覺，比好多作日系打扮，花俏並且懶係可愛嘅嫩模，不知好幾多倍。