馳力王有好多老友都試過去內地玩嘅時候，同人發生過爭女事件，又試過畀人截胡，更試過有囡囡唔對辦！但老友話無論遇到咩情況，都一定要認清邊個係經理，老友話好多人上去玩，都話自己係熟客，但係連間場嘅經理都唔知係邊個，結果有咩事梗係搵唔到人幫手喇！不過就算識得經理，好多時內地經理嘅辦事方法，就係經過都唔理，所以有咩投訴或者幫手，佢哋都唔會出現。但係如果客人一旦話要驚動公安的話，夜場經理又會自動出現，平息事件，因為佢哋最怕就係鬧上公安局，麻煩手尾有排跟。所以馳力王老友話內地夜場咁多，難免會遇上黑店，所以一定要時時刻刻露出一副惡形惡相，同埋要對症下藥，先至唔會山長水遠上到去，結果一肚氣落嚟！老友自認係扮惡高手，身材高大之餘，性格仲要好奄尖，成日揀女好似揀老婆一樣，搞到好多經理都怕咗佢，但係又唔出得聲。