雖然內地嘅嫩模愈來愈多，而且質素愈來愈高，但係要學日本或韓國模特兒成功走向世界，則仲有一段時間，不過呢個日子相信好快到，因為有張瑩嘅出現。張瑩由於有俄羅斯血統，所以面孔極之艷麗動人，據講好多同佢合作過嘅化妝師，都大讚阿妹嘅面孔有國際級模特兒嘅風範。至於身材方面，阿妹同樣唔輸蝕，因為佢擁有5呎7吋嘅身高，亦有34-23-34嘅三圍，體態高挑又婀娜。由於阿妹又靚又好身材，所以上年參選海南國際旅遊島形象大使選舉嘅時候，成功打入十強之列。此外，佢除咗拍過唔少廣告同音樂特輯，更獲邀演出，包括電影《無價之寶》以及電視劇《春光燦爛之歡樂元帥》，睇嚟未來仲有大把機會發圍。