男人鍾意睇鹹片係好正常嘅事，絕對唔需要收收埋埋，之不過，對住女朋友，好多男士都生怕畀對方知道會影響形象，所以問極都唔肯認。然而，大家又有冇諗過，其實女仔都可能鍾意睇鹹片呢。當真？果然！美國早前有一項調查，訪問咗五千幾位男女，以了解佢哋購買鹹碟嘅習慣。結果發現，年齡介乎18至25歲嘅組別當中，有接近三百名男仔試過買鹹碟，至於女仔就有超過四百五十名！換句話說，家陣嘅後生女唔單只接受鹹片，更加樂意欣賞添。