男人每日除咗為自己嘅事業而憂心，亦會為自己嘅床上表現而擔心，最常見嘅苦惱則相信莫過於早洩喇。遇到呢個問題，各位男士最緊要當然係要搵醫生作適當治療啦。不過，此問題其實唔單只男士有，女人都會有過早出現高潮嘅情況喎。早前，葡萄牙有一項研究，邀請到850位年齡介乎18至45歲嘅女士協助，發現40%曾經試過過早高潮，而14%更指情況常見。大家可能會問：好多女人話一世人都未試過做愛做出高潮喎，家陣高潮過早出現咪好囉！出現此情況嘅其中一位女士表示，於男伴未洩射之前佢就感到高潮，往後男友嘅抽送令佢相當難受，咁就係大問題喇。