娛樂圈近年興起姐弟戀，而喺內地嘅夜場，亦興起呢家玩意，啲廿七八歲以上嘅囡囡，佢哋嘅男朋友十個有八個都細過佢哋，點解會出現啲咁嘅情況？今日就搵嚟資深夜遊專家B哥，同大家解釋一下！
B哥話：「夜場囡囡嘅所謂男朋友，大多數都唔會係未來嘅結婚對象，只可以叫佢哋做暫時情人，以前啲已到中女年齡嘅囡囡要搵情人，就要搵啲三十幾歲嘅男人，唔係結咗婚，就係啲喺歡場打滾多年嘅大玩家，囡囡唔識死撞個頭埋去，小則感情受傷，重則人財兩空。所以近年啲囡囡開始改向一啲入世未深嘅年輕人埋手，佢哋全都未婚，經濟大多獨立，就算冇嘢撈，都消費有限，十元八塊就可以喺網吧玩足一日，唔似啲大男人又飲又食，又玩又賭，一個月嘅花費有時係天文數字。」
B哥繼續話：「所以囡囡改搵啲後生仔埋手，要佢哋做自己嘅情人，呢啲年輕人入世未深，有囡囡主動出擊，大多數都逃唔出佢嘅掌心，而且聽教聽話，唔會搞搞震，最正就係年輕人性能力超強，一啲食量驚人嘅囡囡，開完工都未夠飽，呢個時候男朋友就可以大派用場，所以一到消夜嘅時候，大家不難發現一枱一枱嘅男女，大多數都是中女配搭小伙子，據講唔只內地後生仔中招，香港唔少新一代戰友，都成為呢班夜場中女嘅俘虜。」為件中女而沉船，值唔值得真係見仁見智啦！
撰文：賢