大節一過又係賣淫集團搵食好時機，為咗補償早前收檔損失，各大小夜場都會盡搞優惠搶客，令貪小便宜嘅玩家好易中招！有玩家爆料，早前按網上指南北上搵食，見對方二百元全套服務好吸引，於是就趁公餘時間去試菜，結果一肚氣。「網上論壇有相有報告，兼有玩家讚好，諗住信得過咪去試吓囉！點知上到樓入屋，先發現有唔妥！」玩家所指嘅唔妥，原來屋內有另一個男人出現，囡囡表示對方係大廈「保安」，負責替鳳姐「睇水」，若然人客唔介意，「保安」可於梳化等人客完事，相反嫌阻碇，可畀錢打發佢走！「聽到要畀錢我當堂火都嚟，跟住想開門走，但發現大門已上鎖，之後個男人就話：『入咗屋，睇完全相錢都唔畀就想走，唔啱規矩喎！』我心知兩個人老屈，結果揼低二百元走人！」