內地有唔少夜總會，最近都學人改行會所制，一來聽落去高級啲，二來攞張單返去報銷都會容易啲，除咗硬件全面提升外，原來囡囡都要經過特別訓練，成為優質嘅高級三陪，至於佢哋嘅訓練內容係乜嘢呢？
囡囡要接受五種培訓，第一就係儀態，包括行路同坐姿，點樣至大方得體或者性感撩人，原來當中大有學問，囡囡話單係呢一科，就已經受用無窮，好似學識行路，就夠膽上台行貓步，而且一啲都唔會怯場添；第二就係飲酒，家陣內地飲酒嘅方法，真係多到你唔信，單係紅酒都要變化萬千，客人話要紅酒加綠茶，你就要照整杯出嚟，點樣調至有味道，真係唔學都唔識；第三就係學談吐，內地囡囡樣靚身材好兼服務一流，但學識太低，視野太淺，一同佢哋傾偈，就會畀人感覺言之無物。所以囡囡學識對答，可以話非常重要，內地人對有學識嘅囡囡十分重視，就係咁嘅原因。
第四就係着衫，着衫都要學？係呀！囡囡有冇質素，一睇佢哋着乜衫就會知道，而且課程除咗教着面衫之外，仲教埋着內衣嘅技巧，令佢哋身材更突出，而且內衣、絲襪同外衫嘅配搭十分重要，佢哋都會全面教授。至於第一位就係剝衫，點樣剝得有氣質，真係好有難度。至於大家好期待嘅床上功夫，呢個課程係冇教嘅，可能要報讀另一班啩！但學晒呢五招，相信鄉下妹，都會變為大家閨秀。
撰文：小德