人無完人呢句說話，我諗真係要改寫一下，就以近年樂壇女歌手為例，好多都擁有靚歌喉，以及一副美人胚子，就以內地嘅王熙然同日本嘅谷村奈南為例，佢哋就係一個好例子，簡直係令男人如癡如醉呀！
出生日期：1991年8月20日
身高：5呎9吋
三圍：34-25-36
工作資歷：來自內地嘅王熙然係演員、模特兒亦係歌手，阿妹就讀高中嘅時候，已經非常有歌唱天分，於2008年參加和諧中國全國明星大賽遼寧區歌曲演唱高中組就獲得第三名喇。之後，阿妹除咗繼續有參加歌唱比賽，亦由於佢樣子嬌俏可人，兼擁有一副高挑而豐滿嘅身材，受到模特兒公司賞識而成為嫩模，除咗拍攝唔少廣告之外，原本就讀中央戲劇學院嘅阿妹演技甚佳，仲曾經拍過唔少電視劇添。
出生日期：1987年9月10日
身高：5呎5吋
三圍：35F-23-34
工作資歷：日本女歌手谷村奈南就讀高中三嘅時候，參加一個歌唱活動，由於其聲底雄厚，唱功感染力強，令歡眾驚為天人，仲令阿妹進身成為女歌手。2008年更曾經喺一個音樂網站嘅「今年期待的個人歌手」投票選舉中獲得第一名。2006年奈南成功考入青山大學法學系，但係阿妹冇放棄成為一級歌手嘅夢想，只好學業同事業兩邊兼顧。除咗唱功好，奈南又靚女又好身材，令男Fans為之着迷，所以亦不時被邀請拍攝性感寫真。
第一回合，鬥一鬥二人出道以來所得嘅獎項。正式出道成為歌手以來，谷村奈南推出過八張唱片專輯，憑住當中嘅《Jungle Dance》，於2008年第50次日本唱片大獎獲得優秀作品獎，之後奈南就同其他獎項無緣。至於王熙然，除咗贏過上述提及嘅一個歌唱比賽高中組第三名，仲贏過蒲公英大都市全國英語藝術選拔賽歌曲演唱全國銀獎。此外，以模特兒身份參加嫩模比賽，亦奪得2009年第59屆世界小姐大連賽區優秀獎、全國平面模特兒大賽新秀獎及大連區冠軍，今年八月參加大連國際車展亦成為十佳車模之一，真係攞獎攞到手軟！
第二回合，兩位模特兒、歌手集於一身嘅靚女可謂各有千秋。谷村奈南同王熙然同樣皮白肉嫩，吹彈得破嘅肌膚真係惹人遐想。奈南經常着超低V大露酥胸，而王熙然雖然從寫真照片睇落，其雙峰亦不俗，不過效果似係靠用衣物托出。不過，熙然高過奈南，一雙玉腿修長又美觀，睇落則勝過奈南，二人各有優勝之處，判決為平手最為恰當也。
兩位靚女都係一等一嘅美女，身材同樣出眾。不過，講到拍出嚟嘅寫真誘惑味道，王熙然就稍勝一籌。谷村奈南因為係知名歌手，並非正宗模特兒出身，所以拍嘅寫真偏向唯美，多以時尚打扮以及水着示人，雖然同樣大露酥胸玉腿，但係動作並不多，而且略嫌生硬。相反，王熙然就唔同喇！經常以性感內衣上陣嘅佢擺出嘅S形姿勢，盡顯身材曲線以及高柔軟度，每每惹起男人無限遐思！
撰文：祖