小弟家境清貧，曾幾何時要一邊打工搵錢一邊讀書。家陣嘅學生哥就好多都未嘗過半工讀嘅淒酸。反而，內地就有好多人同我以前一樣咁勤奮，嫩模馬櫻橋就係其中一位喇。今年20歲嘅橋妹2009年考入中央戲劇學院嘅戲劇表演專業系，到現時依然仲係學生妹未畢業。不過，由於橋妹氣質清純可人，又有一副白滑好身材，所以深受模特兒公司賞識，招佢為兼職模特兒，拍下唔少令人印象深刻嘅廣告。今年參加INplay女郎比賽，阿妹仲榮獲網絡遊戲形象大使獎冠軍，並成為一本大型電腦遊戲雜誌嘅封面女郎，繼而被譽為新一代宅男女郎！除咗做模特兒，演技出色嘅橋妹仲拍過電影，例如《守望者》以及由香港導演拍攝嘅電影《唐吉可德》，而片中角色亦以清純為主，貫徹本身形象特色。