渡海濠情:初戀無限Fun 專吼轉校生

話咁快又放完暑假,好多學生哥都要收拾心情上學,新學年開始,亦係未有男女朋友嘅同學仔,開始四出找尋另一半嘅時候,好似嚟自澳門至尊桑拿嘅靚女技師春春,佢都話以前每年一開學,就要瞄實新插班嘅男同學喎!

瞄實新生

春春話:「由於我間中學女多男少,所以選擇已經唔多,而且讀到高中,啲男仔唔少都對咗佢哋四、五年,掂嘅早就已經成雙成對,剩低嘅個個都係籮底橙,畀都冇人要,仲未有着落嘅囡囡,就會喺每年開學瞄住有冇啲新插班生,一有出現,勢必成為我哋班嘅寵兒,所以一定要先下手為強!好似我咁,第一日返學就要有咁靚扮咁靚,希望留下最好嘅印象畀對方,咁樣至會輕易得手。」成功嘅機會大唔大呢?春春話:「以我嘅本事,絕對係實食冇黐牙啦。」情場殺手咁款喎!

愛情受傷

春春話:「由於係新生,好多嘢都唔識,我第一時間走埋去獻殷勤,幫佢呢樣,幫佢嗰樣,好多時都可以順利跑出,成為呢個男生喺學校嘅第一個女朋友,之後交往落去,如果性格不合,咪一腳將佢踢開囉!但我就先拔頭籌,喺女同學中攞晒彩。」真係戥啲男生可憐,成為呢啲愛情玩家嘅獵物,但原來春春都受過傷,話說有個轉校生原來都係愛情殺手,入學後同一時間騙咗五個女同學嘅感情,春春都係其中之一,真係老貓燒鬚。所以春春奉勸啲學生哥,返學要修心養性,唔好再亂咁搞搞震呀!

春春Profile

年齡:21歲

三圍:33-22-34

興趣:識男仔

撰文:小德 攝影:阿昌