內地不只黑心食品當道，連一啲夜場都唔慌好嘢，有玩家爆料，於東莞有夜總會有人利用催情啤酒灌客，為求加快囡囡上房時間，不惜喺人客啤酒內落壯陽藥，待人客慶合合自動上房開波，下次有女同你敬酒就要醒水喇！
撰文：祖
夜場要搵銀無所不用其極，聽聞近期最流行係媽咪部長齊隊酒。人客入到K房玩咗無耐，就有媽咪入房扮熟吹水一番，當然唔少得同人客互飲，唔為意嘅就好易中招！有玩家表示，向來幫襯某夜總會，識得場中幾位媽咪及經理，以往慣例係人客揀好女，同囡囡熱身一輪後，媽咪至會入房吹水，依家係變成只要其中一位爸打有坐女，媽咪就會陪你坐足全程，直到所有人客揀好女為止！
查實喺夜場，媽咪陪熟客飲酒一啲都唔出奇，但問題係媽咪敬你嘅酒水，全部係由侍應處理。玩家話：「佢哋一定係敬你飲啤酒，更永遠係開晒蓋至送入嚟，聽媽咪解釋啲酒係公司簽嘅，為怕員工私下攞走，因此要咁做。既然有人請飲當然冇所謂，但幾杯到肚，過一陣就發現全身慶合合，嘴開始有啲乾，仲心郁郁想攬女添！」
玩家不虞有詐，繼續同媽咪鬥飲，期間不斷有新女出入，話咁快大家玩得興高采烈，直至最後一位都揀好女，媽咪就功成身退，到咗呢個時候，一眾玩家已慾火焚身，主動要求上房入閘！事後幾位炮友賽後報告都覺得大有問題，玩家解釋：「首先揀女方面，以往一向唔食嘅豬扒都放晒入口，求其程度有如去髮廊食快餐；第二，所有玩家飲完免費啤酒後都覺得下面好o架，好似要即時解決。返港後問過其他師兄，原來都有類似經驗，及後再去其他場了解，有經理爆料指時下不少夜場都玩溝酒，大多用壯陽藥磨成粉狀，再溝入啤酒，皆因啤酒有氣又冷凍，容易入口及大杯大杯清，人客想唔慾火飆升至奇！」爆料人更指，媽咪絕不會同人客飲一支啤酒，永遠係另一支不同牌子啤酒，以免混淆。目的無非係想人客盡快揀女上房，囡囡及房間流轉量增加，對夜場有利冇害！
果然，玩家下次再驗證，發現媽咪用同一伎倆呃客，雖然玩家醒目想跣媽咪一鑊，但原來媽咪亦唔笨，見玩家自行斟酒即扮有事出房鬆人。