人慾搜尋器：鋼管舞第一依繁

近年跳舞成為好多女士嘅健身活動，除咗社交舞、肚皮舞之外，鋼管舞更加成為一個大潮流。計我話，跳得鋼管舞多真係對瘦身非常有用，的確值得大力推廣，如果可以將身材收到好似依繁咁索，就真係我哋男人之福喇。

現年27歲嘅依繁畢業於南開大學東方藝術系及中央音樂學院，從小就鑽研各式舞蹈藝術，例如民族舞、爵士舞、絲帶舞等等。不過，就依繁嘅個人成就嚟講，最勁都係於中國推廣鋼管舞喇。依繁係推廣應用流行鋼管舞技巧嘅先驅，更加創立出曼妙風格鋼管舞，同時亦為中國出戰世界各地嘅鋼管舞比賽。由於依繁美貌過人，身材婀娜多姿、意態撩人，所以更有中國鋼管舞第一性感美女之稱。