過江女神:骨妹愛走佬 為日後鋪路

來自南非嘅女飛魚維特斯托克終於成為王妃,但花邊新聞就話阿妹有婚前恐懼症,婚前走足三次佬至成功拉埋天窗,若然屬實,親王都幾無Face囉!不過講到走佬,原來澳門骨妹至係最強,好似×池桑拿技師曉曉咁,一年內大大話話走佬四次,到最後都係做骨妹囉!

各有各辛苦

點解骨妹要走佬?當然唔係避債啦!據技師曉曉表示,查實不少姊妹都經歷過走佬階段,至可以成為今日獨當一面嘅骨場技師。曉曉話:「記得未入行前正考慮做PR定骨妹,但眼見夜總會有靚制服着,返工又唔使出力,滿以為好舒服,結果就入咗夜總會做,及後至發現夜場PR相當惡啃,時間日夜顛倒,每晚又要陪人客劈酒,就算搵到錢都冇命享囉!」

照曉曉咁講,莫非做骨妹比夜場PR舒服?「咁又唔係,各有各辛苦,自從我離開夜總會後,就投身骨場,但又發現每日困喺房間內,個人心情好易煩躁,結果經常被人客投訴,逼到我又要重返夜總會,走完一間又一間,一年內喺夜總會同骨場兩邊飛,因此有『走佬骨妹』稱號!」

正骨搵到食

原來阿妹前前後後出入夜總會及骨場四次之多,至決定做骨妹,咁點解最終又選擇呢行呢?曉曉解釋:「好簡單,因為夠快,一入房間就開始服務直至完事,過程都唔超過兩粒鐘,喺有限時間內搵得更多,同時有更多時間做自己嘅事,對比喺夜總會工作,自由度大得多,再者骨妹練得一身手藝,就算他日唔做邪骨,都可以靠雙手揼正骨,起碼都搵到餐食吖!」哈,阿妹你咁後生已經諗定後路,咁有冇諗過幾時又再走佬呢?

曉曉 Profile

三圍:34-25-33

身高:5呎4吋

撰文:祖

攝影:章