朋友A並不是次次北上都會做功課，有時候會玩即興，所以間唔中都會遇到好笑事件，因為無預約又無去熟場，總會有意外驚喜，要知神州大地，好多令人驚喜萬分的事情。好似上星期有老友召集，於是放工就即刻飛奔上去，一心旨意老友有好介紹，點知上到去，佢完全無主見，於是便膽粗粗試咗間就腳新場，人永遠都係因為貪方便就出事，今次都唔例外。間場好近地鐵站，一出站就見到招牌，門面就好似幾像樣，最緊要係知客夠晒質素，於是就係咁樣入咗去。
朋友A換好衫坐定定，等經理入場，第一輪入場嘅囡囡雖然無乜意外驚喜，但總算無乜大問題，不過揀唔啱，於是再睇第二輪，但係一入場就嚇到死死吓！點會嚟咗個「花家姐」！無論髮型同埋口音都十分似，唯一唔同就梗係無阿蛇咁索，老友都同朋友A對望一眼，心知不妙，於是想打退堂鼓，但係經理落盡嘴頭，又話依家走都要收大堂費用等等，今次真係勢成騎虎，惟有要番第一輪平平無奇嘅囡囡，點知經理話佢哋好快就上晒鐘，要等一陣，結果就係咁，等咗成粒鐘，等靚女就話抵啫！平平無奇都要等，真係自己攞嚟衰，所以以後記住北上千祈唔好貪方便。
撰文:大軍