中國人情字行先，尤其是同鄉點都畀番幾分薄面，近日上長安同當地幾位原居民飲飲食食，夜晚當然離不開風花雪月，點知佢哋先帶我去夜總會暢飲一輪，然後再去骨場玩樂，埋單竟然係一蚊都唔使，大家當然以為我作客所以佢哋盡地主之誼，查實係佢哋唔知乜乜同鄉會搞周年大龍鳳，成間夜總會包起嚟玩，場內每間房都係自己人。
當晚我就同佢哋喺房間滿場飛，飲到夠皮就過酒店骨場，大廳又係自己友，惟有詐作上房至可避過吹水同鄉會。事後問當地朋友係咪太公畀錢，佢哋直認不諱，更表示每年都會有類似嘅周年活動，而夜場亦好識做，酒水平賣、囡囡心意價，所以當日做唔到生意都好閒，志在日後多多關照，有起事嚟都好易話為喎！你話假如香港都有呢啲同鄉會，係咪好過派錢先？
撰文：大軍