男人係咪鹹濕？相信呢個答案唔使多講！有得玩就特別鹹濕，落到夜總會唔單止要鹹濕啲囡囡，連媽咪都唔放過。好似我一個朋友咁，佢就零舍鍾意抽媽咪嘅水，不論老少媽咪都唔放過。問過佢點解咁鍾意抽媽咪水，佢解釋：「媽咪有種歷練嘅味道，同埋佢哋好識得招呼人，咪引到我想抽佢哋水囉！」事實上好多媽咪都唔介意畀玩家抽水，或者咁講，媽咪就算唔鍾意，都要扮做唔介意，因為佢哋要做畀班女睇，只要玩家鍾意，佢哋就要服侍。
雖然咁講，但有啲媽咪真係唔抽得水，尤其係一啲大場，嗰啲媽咪都有後台，自然唔係咁好相與，萬一抽錯水嘅話，就真係有排煩。我就聽過一件事，有個玩家落到場，就對個媽咪飛擒大咬。當時媽咪冇話唔好，但係卻黑埋口面離開。呢位玩家玩到半路，就要去廁所，點知未入到廁所就畀人拉埋一二邊，醒咗佢幾件，警告佢唔好咁猖狂，仲要佢同媽咪道歉。嗱！會唔會再去呢個場係一件事，但係搞到皮肉之苦咁就無謂，所以話媽咪嘅水真係唔好亂抽呀！
撰文：大軍