肉都賣得，身外物又算係乜！內地援交成風，雖話執法部門重點嚴打，但買賣雙方都冇有怕，囡囡為求賺到盡，不惜將身上胸圍底褲統統賣光，而玩家更無任歡迎，交易後影埋寫真再交收，有玩家甚至買貨後再轉手圖利，連肉金都賺番嚟！
有玩家表示，買囡囡套戰衣未必代表有戀物癖，實情係想喺網上同師兄弟炫耀吓啫！講得有理，留意近期網上出現不少疑似援交妹接客情況，兼有制服寫真刊登，相信係經雙方同意下發生。而所謂制服通常係囡囡嘅胸圍底褲、短裙絲襪等等。據講呢啲「戰利品」並冇標準價錢，視乎性感程度而定，買斷貨物嘅玩家事後喺網上分享，細佬發現由三百至八百一套都有人買，至於可信程度有幾高，你自己決定喇！
喺內地玩援交一般由一千元起錶，而呢類連底褲都賣光嘅都係差唔多，有援交妹甚至發帖，列明售賣物品，買得愈多，價錢愈平。而買方事前亦可要求囡囡穿着指定服飾到場，假如臨場未合心水，唔買都冇所謂！
援交妹賣物成風，佢哋唔介意畀「老闆」拍下寫真上載公諸同好，反認為呢種舉動可作曲線宣傳，做到成行成市喎！有囡囡解釋：「假如得我一個賣，玩家心態一定覺得搵笨居多，相反人人都賣，就會出現羊群心理，人有我有，雖然叫價會壓低咗，但出動機會多咗，始終賺錢嘅都係落援交妹個袋！」
所謂你精我都唔笨，援交妹識賣有味胸圍底褲賺多筆，玩家都識網上轉售，有玩家就自稱每次都會買下援交妹物品，更會帶備相機，拍下囡囡穿着前後嘅寫真，事後再扮事主喺戀物網拍賣，咁樣轉一轉手，隨時連肉金都賺凸。真恐怖，若然細佬係買家，咪即係間接買下嫖友陣「除」？
撰文：祖