小弟雖然工作日子尚淺，但係見過嘅模特兒則頗多，發覺好多所謂嘅靚女都只不過係霎眼嬌，佢哋嘅美貌只限於某一個角度，唔似得內地嫩模黃子熙咁，每個角度都咁靚。現年21歲嘅黃子熙雙眼精靈有神，配合標致嘅面孔，絕對稱得上係正統派美少女。而身高5呎6吋嘅阿妹身形修長，雖然唔似得其他內地嫩模咁，擁有一對驕人巨乳，但係纖薄又具曲線美嘅身材依然有吸引力，所以早年參加2005年中國機車模特兒大賽，就成功奪得最上鏡小姐獎項。
黃子熙得呢個獎又真係實至名歸，因為阿妹真係點影都咁上鏡同靚女。除咗做模特兒出色之外，畢業於北京電影學院嘅黃子熙亦擅長演戲，電影《非你不嫁》、《劇院凶座》都有阿妹參與演出o架。
撰文：賢