唔知大家有冇發覺，啲囡囡好鍾意喺街邊度，買埋啲酸嘢嚟食？好似酸木瓜、酸李、酸蕎頭等。本嚟囡囡鍾意食乜，對我哋呢啲鹹濕佬嚟講，真係冇乜所謂，但係由於呢啲嘢食完後，會留有極強烈嘅口氣，埋身肉搏真係幾難受架！好似我個老友咁，佢平生最怕聞到同食酸嘢，次次去酒樓食飯，佢都會事先同我哋講，話千祈唔好點京都骨、西檸雞、五柳魚等嘅酸味菜式，否則佢會即場嘔吐。
嗰日佢去夜總會玩，揀咗個樣靚身材正嘅嫩菜，有個咁索嘅拍乸，鹹到出汁嘅佢又點會花咁多時間猜枚、飲酒吖！酒過幾巡就急急腳，同囡囡返酒店開波，而慾火焚身嘅佢，更將囡囡就地正法。嚟完一炮後，囡囡就話要落街買嘢食，老友就畀咗五兜嘢佢，叫佢自己搞掂。過咗一陣，囡囡買完嘢返嚟，當佢甫入門口，老友就聞到陣酸宿味，原來囡囡落街買咗袋酸嘢返嚟食，仲問老友要唔要添！老友本嚟聞到陣味已經作嘔，囡囡仲要懶親密咁，哄埋去老友度同佢講嘢，呢刻老友真係頂唔順，忍唔住嘔落囡囡身度！搵人幫囡囡洗衫同換房都係事小，最慘就係老友忍受唔到囡囡嘅口氣，惟有畀錢打發佢走。
撰文：大軍