有云冬天食菜，夏天食瓜，家陣天時暑熱，食瓜類蔬菜就最啱喇。不過，咁多瓜，食邊種好呢？如果大家需要戶外工作，常飲冬瓜或老黃瓜煲嘅湯水，絕對有消暑解渴之效，另外，苦瓜亦係小弟嘅特別推介。大家唔好以為苦瓜味甘苦，有涼血消暑、消脂、降血糖之效，就會削弱男人嘅雄風喎。苦瓜除咗含維他命C，可以令身體更加健康之外，《本草綱目》記載「苦瓜性寒，味苦，除邪熱、解勞乏、清心明目、益氣壯陽」，所以大家不妨於夏天多食苦瓜，或用苦瓜榨汁飲用，消暑又壯陽。
撰文：小德