如果問到女仔喜歡邊一種類型嘅男仔，性格較隨和，要求並不太高嘅女仔，普遍會答：「有冇錢，有冇樓，靚唔靚仔都唔重要，最重要就係為人有幽默感，可以成日氹得我開開心心。」事實上，咁答又表現出女仔口不對心嘅性格喇！因為，早前英國哥倫比亞大學有一份研究，發現怕醜仔反而更能夠吸引女仔。研究搵來五百名女性一邊睇相，一邊評分，而相片全部都係男士，分別有自信型、怕醜型、開朗型以及木獨型，結果發現開朗型嘅男仔平均得分最低，僅次於木獨型，自信型則最高，其次就係怕醜仔，專家話，怕醜仔比起開朗男仔更吸引嘅原因，可能因為女性認為開朗型男仔通常比較花弗，相反，怕醜仔就較為專一，冇咁容易出軌。所以，下次出去溝女，都係扮怕醜仔好喇。