大軍手記:中港合資

中港婚姻每年不斷上升,但原來中港合資亦暗地裏不斷增加,有內地夜場囡囡表示,多咗批非玩家入場消費,主要選擇夜總會,包囡囡兩日一夜,過程中睇心情搞嘢,真正嘅目的係瞓醒由囡囡做導遊,帶人客到附近商場「實地考察」至真!

常平一位夜總會PR近半年發現不少呢類客,身邊亦有姊妹由囡囡變身做老細。據阿妹解釋:「九成係港佬,一成係北佬,佢哋入場專揀眉精眼企嘅囡囡過夜,帶佢哋出街食餐好嘅,期間會交代目的,通常係希望嚟投資做零售,由地膽囡囡作引路!」歡場雖然無真愛,但人客同女都係真金白銀做生意,阿妹話人客過完夜,視察完附近一帶,通常一個星期內會再私下約囡囡出外再三視察,跟住就租舖營業。「類似情況近半年起碼見十次八次,一般由玩家做大股東,PR佔兩成,至於點解要搵夜場女,好明顯係互相利用;囡囡想賺錢,姊妹又多,請人同宣傳都不成問題。既然有人打本做生意同時自己有股份,必定會更加落力,好過玩家自己盲舂舂開舖啦!」玩家果然有腦,識利用關係之餘仲北上賺人仔,好過喺香港計最低工資啦!

撰文:大軍