香港好多模特兒同歌手，稍有美貌或者身材，就被人提拔上位，但係事前缺乏正統訓練，所以一旦要佢哋表演就即刻出醜，完全唔似內地模特兒咁，聲色藝俱全，好似張舒媛咁，除咗又靚又好身材，仲跳舞演戲皆精。來自湖北嘅張舒媛一副瓜子口面，加上精緻五官，真係靚到令人神魂顛倒。不過，最抵死就係張舒媛身高5呎7吋，身高腿長，加上上圍豐滿，簡直係人間極品！
張舒媛有外在美之餘，其實亦好有內涵。畢業於北京舞蹈學院，主修音樂劇嘅張舒媛舞藝精湛，演戲亦有相當高水準，難怪阿妹出嚟做模特兒之後，經常被邀請拍電視劇，好似《在愛中》、《狀元紅》以及《江南鋤奸》等等，而知名外國音樂劇好似《貓》、《芝加哥》等，張舒媛都曾經參演過，睇嚟大有機會蜚聲國際喎！
噴血度：***
養眼度：****
百變度：***
評分（以五分為最高）
網址：http://blog.sina.com.cn/u/1636364205
撰文：賢