本地政府高官瞞病拒呈辭全民擔憂，但脫星界原來都屢見不鮮，今期就有傳媒踢爆Krystal Webb係病人一名。但阿妹不但毋須請辭，揭破有病後反備受重用，幾乎連床都落唔到呢！
撰文：祖
各位請放心，脫星所患非性病，絕不會危害四仔界同行。之不過有病唔醫對當事人都會帶來深遠影響，原來Krystal Webb患嘅係性愛成癮症，幾乎一靜落嚟就會出現性需要，若然唔及時解決就會變得脾氣暴躁，無法集中精神，當事人話再嚴重更會出現自殘添！Krystal Webb解釋：「自殘係指要用極端嘅性自虐獲得滿足，記得一次我長時間冇發生性行為，竟然用滴蠟自娛解決，事後雖然高潮滿瀉，但連我自己都怕怕！」
為此，阿妹決定逢性必做，每當有片商搵佢開戲，阿妹都不理報酬，砌咗再算！可幸呢種爛做性格，造就佢成功上位，成為脫星界最勤力演員之一。
成名後嘅Krystal Webb「性格」不變，喺片場由朝砌到晚，令行內人開始懷疑阿妹假公濟私，無節制嘅性愛，實情係滿足一己私慾而已。傳媒收到風當然唔會放過，收買阿妹閨中密友，揭當事人鮮為人知一面。及後被成人網站發現，原來阿妹曾因性需索過度去求醫。
傳媒搵當事人質問，阿妹直認不諱，外界推測消息傳出後，男女脫星都會遠離Krystal Webb，甚至要求佢離開四仔界。而事實竟然係得到同行力撐，尤其是一眾男優，主動透過社交網留言畀阿妹，話假如有需要可隨時來電，定必隨傳隨到！哈，有咁多人出力，若然阿妹要搞，一年都未必搞得晒噃！所以莫講話下台唔做脫星，分分鐘連床都冇機會落！