由於近期深夜電視劇實在太唔吸引，所以養成早睡習慣，而早睡自然日日都「晨早起床，清新開朗」，真係唔到你唔信，早睡早起真係精神好！據一位讀中醫嘅朋友講，早起身唔單只令人精神煥發，對於各位男士進行春天養生仲有好大作用，原因係春天需要養陽，而春天嘅早晨陽光充沛，自然陽氣充足，大家晨早時分曬吓太陽，呼吸一下新鮮空氣，可以幫助身體吸納陽氣，細佬都會特別「蕉」氣勃勃！不過，春天嘅早上由於濕氣重，所以早起之餘最好就係做埋運動，一來增強身體機能，二來可藉着流汗排出濕氣，以免引致血氣凝滯，影響性功能。
撰文：賢