英國王子威廉同索爆凱瑟琳大婚在即，除衍生坊間大量紀念品。原來亦有件索妹都值得紀念，事關同屬英國妹嘅Megan Coxxx（現藝名Wild Anna）貌似準王妃，結果被網民起底後一夜走紅，有心入行撈脫星嘅，不妨去搵整容醫生執執個樣先啦！
外電指呢位貌似準王妃嘅脫星Megan Coxxx來頭不小，現居於南安普敦(Southampton)豪宅嘅阿妹家境富俗，有大屋有靚車，過住富二代生活，奈何討厭苦悶空虛，結果跑去當脫星。話時話，究竟啲有錢人係咪多錢都唔知點使？一唔老利就玩極端，有名媛唔做當脫星，難為啲砌少日都冇飯開嘅脫星，簡直係諷刺！言歸正傳，查實Megan Coxxx早於18歲出道，初時以網模自拍上位，定時定候上載性感照同人分享，及後被網民起底發現呢件女索到不得了，宅男曝住部腦等阿妹慰藉，之後再爆出王子溝掂凱瑟琳，阿妹借勢上位！
同時間，Megan Coxxx亦由網模浮面變脫星，由自拍寫真到受邀四仔片商開拍高清口交四仔，一展口技。呢段為時18分鐘嘅口交戲，可算係阿妹目前唯一一部有對手嘅四仔，網民高見係估唔到人氣細細嘅Megan Coxxx，擔起上嚟有咁高水準，想睇？畀錢下載啦！
好可惜嘅係，目前為止阿妹都未有正式埋身肉搏四仔出街，雖然當事人話會認真考慮，但照形勢睇可能性非常低，就算會都吊高嚟賣，理由係網民一味將佢當作四仔版王妃，喺網上留言要求佢剝衫多過當地反政府削減開支。再者阿妹深明自我宣傳之道，一年前就開個人網站，改埋藝名叫Wild Anna，由免費寫真變成收費，雖然無法估計有幾多麻甩佬係會員，但從阿妹近乎每日有新寫真上載，兼由低質素自拍到聘請專業攝影師操刀，行內人估計阿妹短期內會守身如玉，毋須挑戰最後底線喎！
慶幸嘅係阿妹由o靚模變假王妃後冇加價，反而積極吸納各地粉絲，寫真製作比以前更認真同落足料；有性感有密實、有高貴有淫亂，總有一款啱你胃口，從阿妹嘅成功睇得到，今日脫星要出位，唔係剝衫上床就得嘅！
出生日期：1989年9月13日
三圍：34C、26、34
身高：5呎10吋
撰文：祖